30 Sep, 2021
2021/09/30. EDE Fundazioa Enplegu Inklusiboak eta ADECCO Fundazioak lan inklusiboaren alde lan egiteko konpromisoa hartu dute, lankidetza hitzarmen bat sinatuz. Sinadura horrek, apustu partekatu horrek, enplegua lortzeko zailtasun handienak dituzten pertsonentzat aukerak sortzea du helburu, zaurgarritasun-egoeran dauden pertsonak gizartean eta ekonomian integratzeko ekintzak garatuz, gizonen eta emakumeen berdintasuna sustatuz eta Garapen Iraunkorreko Helburuak azken helburuan lortuz.
Adecco Fundazioa, Osasun eta Gizarte Politika Ministerioak ongintza-asistentziatzat sailkatua, Fundazioen Babesletzaren Erregistroa, irabazi asmorik gabeko erakundea da, eta hainbat arrazoirengatik lana aurkitzeko zailtasun handiak dituzten pertsonak lan-munduan sartzearen alde egiten du.
EDE Fundazioak Euskal Autonomia Erkidegoko gizarte-, kultura- eta hezkuntza-garapena lortu nahi du, hainbat programa eta zerbitzu garatuz. Programa eta zerbitzu horiek, batez ere, gizartean bazterturik dauden edo desabantailarik handiena duten taldeei zuzenduta daude, eta enplegua sustatzea da gure ardatz estrategikoetako bat.
Bi fundazioek lankidetza-hitzarmen bat ezartzea adostu genuen, gizarte bidezkoago, solidarioago eta berdintasunezkoago bat garatzeko lankidetzan jardun ahal izateko, Enplegu Inklusiboaren Sailean garatzen diren gizarteratzeko eta laneratzeko programen baitan: Emaktiva, Emakumeak gizartean eta lan-munduan txertatzeko programa. Gazteak gizarteratu eta laneratzeko programa. Gaztebarri, denbora luzez langabezian dauden pertsonak gizarteratzeko eta laneratzeko programak, eta egoera ahulenean dauden kolektiboei lanpostu bat lortzen laguntzen dieten Adecco Fundazioaren enplegu programak.
Bi fundazioek hartutako konpromisoak garrantzitsuak dira, eta honako hauek nabarmendu daitezke:
- EDE Fundazioko Enplegu Inklusiboaren Sailarekin egindako jarduerak Adecco Fundazioaren enpresa laguntzaileen artean konektatzea eta zabaltzea.
- EDE Fundazioarekin partekatzea lanpostu hutsak betetzeko beharrak, eta EDE Fundazioak bidalitako profilek hautaketa-prozesuetan parte har dezaten bultzatzea eta laguntzea, parte hartzeko baldintzak ekintza positiboen bidez malgutuz.
- Laneratu ondorengo jarraipena egitea eta laguntza eskaintzea enpresa kontratatzaileari eta kontratatutako pertsonari.
- EDE Fundazioko Enplegu Inklusiboaren Sailak garatzen dituen proiektu eta jarduera berriei buruzko informazioa bidaltzea, enpresetan emakumeen eta gizonen berdintasuna sustatzearekin zerikusia duten beste edukiei buruzko informazioa, …
EDE Fundazioak eta Enplegu Inklusiboko taldeak berri handi hau partekatu nahi dugu, eta gure programetan parte hartzen dutenentzako aukerak sortzea espero dugu.