29 Jun, 2021
Ekainaren 22an, “Europako Berreskurapen Plana: krisiari erantzun federala” jardunaldia egin genuen Bilboko Euskalduna Jauregian. Eusko Jaurlaritzako Kanpo Harremanetarako Idazkaritzaren, EuroBasqueren eta UPV/EHUren laguntzarekin, ekonomiako, trantsizio berdeko eta eraldaketa digitaleko lehen mailako hamar adituk parte hartu zuten ekitaldian.
Europako Batasunak bultzatutako Europako funtsetako 800.000 milioi euro baino gehiagok euskal digitalizazioari eta ekonomia berdeari eskaintzen dizkieten aukerak aztertu zituzten ia 150 lagunek. 85 laguneko edukiera osatu zen, eta 70 lagunek baino gehiagok ekitaldia streaming bidez jarraitu zuten. Bertaratutakoen artean, erakundeetako ordezkariak, akademikoak, gizarte zibileko hainbat erakunde eta parte hartu nahi izan zuten herritarrak izan ziren.
Jordi Campàs Eusko Jaurlaritzako Ekonomia eta Europako Funtsen sailburuordeak egindako hitzaldian nabarmendu duenez, “aukera historikoa da inbertsioa hazkunde motor gisa bultzatzeko, eraldaketa bikoitzera bideratuz, energetiko-ekologikora eta digitalera”. Bestalde, Europako Parlamentuko Komunikazio zuzendari nagusiak, Jaume Duch-ek, adierazi du EBren etorkizunean funtsezkoa dela sektore ekonomiko batzuk modernizatzea, krisiek aukerak sortzen dituztela aipatuz. Ignacio González Vázquezek, Europako Batzordeko Ikerketarako Zentro Bateratuko taldeen koordinatzaileak, erakundeen arteko lankidetzaren garrantzia azpimarratu du, NextGeneration EU planak arrakasta izan dezan
Europako Etorkizunari buruzko Konferentzia
Jardunaldia Bost erronka, Europa bat zikloaren baitan eginda, euskal parte-hartzea sustatzeko Europaren Etorkizunerako Konferentzia ekimenean. Konferentzia hori maiatzaren 9an inauguratu zen Estrasburgon, eta 12 hilabete iraungo du. Europako herritarrei eta gizarte zibilari lehen aldiz dei egin die EBren etorkizuna birdefinituko duten eztabaidetan parte hartzeko eta beren iritziak eta proposamenak azaltzeko.
