27 Jul, 2021
Bizkaiko Foru Aldundiaren Enplegu, Gizarteratze eta Berdintasun Sailak gizarteratzeko arriskuan dauden pertsonen enplegagarritasuna sustatzen du Lan Berri urteko programaren bidez.
Proiektu honek arrisku-egoeran edota gizarte-bazterkeria egoeran dauden pertsonen enplegagarritasuna eta lan-munduratzea hobetu nahi du. Aurten hogei pertsona inguru trebatu ditugu eta laguntza eman diegu hazten ari den jarduera-sektore batean, ostalaritzan, alegia. Lotura tinkoa eta etengabekoa topatu nahi duen laguntze-eredua garatzen dugu, eta entrenamenduaren bidez, pertsonek enplegua eta sarbidea bilatzeko eta hori mantentzeko gaitasunak garatzea ahalbidetzen dugu.
