2023ko amaieran EDE Fundazioaren Gipuzkoako egoitza berria eraikitzeko lanak hasi ziren. Egoitza hori Donostiako Amara auzoko Morlans pasealekuko 16. zenbakian dago. Duela gutxi eraikitako lokala da, Visesari (Eusko Jaurlaritzaren mendeko sozietate publikoa, babes publikoko etxebizitzak sustatzeko) alokatua, Gipuzkoako Foru Aldundiaren finantzaketarekin.
Morlanseko lokaletan kokatuko dira gaur egun Belartzako egoitzan (Bakeola, Biltzen, Inklusioa, Suspertu eta besteak) eta Amezketarrak (Emaktiva) egiten ditugun zerbitzuak, programak eta proiektuak, eta horiek martxan edukiko ditugu.
Morlanseko egoitza nagusi berri hori Konpongi-Suspertu lokalari (Urnieta) eta Emakumeen eta Indarkeria Matxistaren Arloko gure zerbitzuetarako erabiltzen ditugun Gipuzkoako hainbat herritako beste kokaleku batzuei gehituko zaie.
Obrak erritmo onean doaz aurrera, eta epe barruan, eta aurreikuspenen arabera, lokala erabilgarri egongo da 2024ko irailean.