Gure historia

Erakundeko jarduera deszentralizatzen hasi zen eta lurraldetik kanpoko lehen loturak egin zituzten. Hala, EDEJ izan zen Aisialdiko Hezitzaile Eskola Kristauen Federazioaren (gaur egun Didania, Aisialdiko Erakunde Kristauen Federazioa) kide sortzailea. Haren helburua da aisialdi hezitzailea, gizarte eta hezkuntza arloko animazioa eta boluntariotza koordinatzea eta sustatzea, gizartean esku hartzeko sarea egituratuz, Ebanjelioren planteamenduekin bat datozen estilo eta balio kritiko eta eraldatzaileen arabera.

Dokumentazio-zentroa sortu zen: gizarte esku-hartzearen eremuan dokumentazioa eta informazioa kudeatzeko eta tratamendua emateko eremu espezializatua da.

Era berean, lehen argitalpenak garatzen hasi ziren. “Tresnak bilduma: Hezkuntzako planteamendu orokorrak aisialdirako”.

Aisialdiaz eta Gazteez gain, gizarte mailako esku-hartzearen eremu berriak lantzen hasi ziren: ezagutzaren zabalpena, dokumentazioa eta abar. Zabaltze hori prestakuntza-eskaintzan ere ikus daiteke: Baztertze soziala (1985), Animazio soziokulturalaren diploma (1986), Hezitzaile adituen ikastaroak edo Adierazpen eta sormeneko ikastaroak (1988).

Eusko Jaurlaritzak Aisialdiko Eskola gisa aitortu zuen eta Aisialdiko begiraleen eta Aisialdiko zuzendarien ikastaroen lehen homologazioak jaso zituzten.

Sortzetik, EDEJk esku-hartze eremuko beste erakunde batzuekin aliantzak eta kolaborazioak sustatu zituen. Gainera, sare ugaritan parte hartzen du. Aldi honetan, EDEJk Gorabide Elkartearen Aisialdiko Zerbitzuarekin harreman-protokoloan parte hartu zuen, baita Euskadiko Gazteen Kontseilua eratzen ere.

EDEko Patronatuko Batzordea izendatu zen.

EDE Fundazio kanoniko eta autonomo gisa eratu zen eta Fundazioaren Patronatuaren Batzordea sortu zen.

Era berean, erakundearen egoitza nagusia Indautxura eraman zuten: Simon Bolivar kalea, 8b. Bilbo, 48010

Gizartearen behar berriei erantzun gehiago emateko, eremu gehiagotan esku hartzeko beharra eta aukera ikusi zuten. Horretarako, erakundearen egituraren barruan eremu berriak sortu ziren: Profesionalak etengabe prestatzeko eremua, aholkularitza espezializatua eta abar.

Boluntariotzaren Legearen lege eta gizarte arloko prozesuan parte hartuta, erantzukizun publikoko sistemen eremuan lan egiten hasi ziren, eta handik bi urtetara, Euskadiko Gazte Ekintza Plana egiteko prozesuan parte hartzen.

2013tik aurrera nazioartekotze-estrategia diseinatzen hasi ziren, finantzaketa-iturri berriak lortzeari lotuta, baita hirugarren sektorean eta erakundean ia ezezaguna zen lan-esparrua ezagutzeari eta posizionatzeari lotuta ere. Horretarako, Europako Programen Zerbitzua sortu zen, eta hark EDE Fundazioari berari nahiz sektoreko erakundeei eta administrazio publikoei informazioa eman, sentsibilizatu eta euskarria ematen die Europako gaien inguruan eta Europako proiektuak abian jartzeko, garatzeko eta izapidetzeko bidean. Europako proiektu ugari kudeatzeaz gain, 2013 eta 2015 artean EDE Fundazioak EIES Sarearen (Euorpako Informazioaren Euskal Sarea) tresna kudeatzen du, eta 2013tik Europe Direct Informazio-zentroa da, Europa osoan herritarren artean EBri buruzko eztabaida sustatzen, zabaltzen eta informazioa ematen duten 400 puntu baino gehiagoren parte izanik.

Era berean, 2011, Lanbidek hartu zituen Enplegu Politika Aktiboen transferentziak eta urte horretatik aurrera EDE Euskal Enplegu Zerbitzuaren erakunde kolaboratzailea bihurtu zen, bai orientazio-ekintzak egiteko, bai prestakuntzako lanbide-ekintzak egiteko. (Lehen INEMekin izaten zuen harremana). Gerora, eta Lanbideko beste erakunde kolaboratzaile batzuekin izandako harremanen ondorioz, 2013an Bategin Taldea gauzatu zen, bazterketa-egoeran zeuden kolektiboetarako orientazio-ekintzak egiteko. Talde hori mantentzen da gaur egun.

Boluntak, Boluntariotzarako eta Parte-hartzerako Agentziak, Bizkaiko erakundeen, boluntarioen eta boluntariotza-lanean hasi nahi duten guztien sustapen-beharrak estaltzen ditu. Zerbitzu osoa, doakoa eta kalitatekoa eskaintzen du: aholkularitza, prestakuntza, laguntza, informazioa eta abar. BBK Fundazioak, Bizkaiko Foru Aldundiak eta EDE Fundazioak sustatutako ekimena da.

Bakeola gatazkak bideratzen espezializatutako zentroa, eragile sozialekin eta hezitzaileekin nahiz administrazio publikoekin lan egiten dugu ikuspegi integraletik. Elkarbizitza hobetzera, giza eskubideak sustatzera, garapen komunitariora eta gizarte-eraikuntzara bideratutako prozesuak sustatzen ditugu Bakearen Kultura lortzeko.

Gainera, FIARE sortzen parte hartu zuen: inbertsio eta aurrezki arduratsurako fundazioa.

Aitorpena gizon-emakumeen arteko aukera-berdintasunean Emakunderen erakunde kolaboratzaile gisa.

Aitorpena Lanbide-prestakuntzako ikastaroak ematen dituen erakunde gisa

Indartu programa: Gizarte arloko esku-hartzean lan egiten duten Bizkaiko hirugarren sektoreko erakundeak, txiki eta ertainak, indartzera bideratutako programa da; BBKrekin lankidetzan garatzen da.

Kiribil irabazteko asmorik gabeko erakundeen sarea da, tokiko gizarte-ekimenekoa. Komunitatea sendotzeko lan egiten du, udalerriaren esparruan garatzen diren gizarte eta hezkuntza programen bidez. Sare horretan parte hartzen dute hauek: EDE Fundazioa, Umeak Kalean, Argizai Eskaut Taldea, Aurrerantz, Aizibizia, Portugaleteko Aisialdi Sare, Aurrerantz eta Harribide Fundazioa.

EDE Fundazioak hizkuntza-kudeaketan kalitateari emandako Zilarrezko Bikain ziurtapena du.

Fundazioa sortu zenetik abiatutako ingurumen arloko lan-ildoaren aldeko apustua argia eginez, Gizalur SL sortu zen, EDE Taldeko gizarte eta ingurumen arloko proiektua den Gizartenaturak sustatuta. Gizalurrek ingurumena zaintzeko lan eta zerbitzu orokorrak egiten ditu, eta espezie exotiko inbaditzaileen kudeaketa eta kontrola egiten du. Gizalurrek bazterketa-arriskuan dauden pertsonekin eta ingurumeneko boluntarioekin lan egiten du.

EDE Fundazioaren enplegu-zentroa gizarteratzeko orientazio- eta sustapen-zerbitzuekin koordinatuta Lanbidek homologatutako baliabidea da. Enplegua bilatzeko eta/edo hobetzeko bidean laguntzeko baliabideak dituen espazioa da; betiere espezializatutako langile teknikoen aholkularitza indibidualizatua eskaintzen du.