19 Maiatza, 2022
Jomuga bera duten erakundeekin harremanak zabaltzen jarraitzen dute EDE Enplegu Inklusiboak eta Emaktivak. Horren harira, zorionaz, Nortempo Fundazioaren laguntza lortu dugu, gure enplegu programetan parte hartzen duten pertsonek enplegagarritasuna hobetzeko aukera gehiago izan ditzaten.
Aldaketarekin eta elkarlanarekin zerikusia duten enpresa eta erakundeekiko harremanetan sinesten dugu, pertsonen egoerak hobetzeko asmoz. Horregatik, hemendik aurrera Nortempo Fundazioa eta EDE Enplegu Inklusiboa aliatu berriak izango dira.
Nortempo Fundazioa gizartean baztertuak izateko arriskuan dauden pertsonak trebatzeko eta aholkatzeko proiektuak eta programak garatzen dituen erakundea da. Bere xedea da enplegagarritasuna hobetzea eta lan merkatuan sartzea erraztea. Bere helburua betetzeko, Espainian eta atzerrian hedatutako bulego-sare baten laguntza du, baita baliabide metodologikoak, lan-merkatuaren ezagutza sakona eta sektorean esperientzia ere.