Beste urte batez, EDEn laneratzearekin eta ahalduntze pertsonalarekin dugun konpromisoarekin jarraitzen dugu, gure enplegu-proiektu berezien bidez. Pertsonei beren esperientzia, gaitasunak eta zeharkako trebetasunak identifikatzen, horiei balioa ematen eta egungo lan-merkaturako funtsezko tresna bihurtzen laguntzeko diseinatutako hiru proiektu dira, lan-merkatura ahalik eta prestakuntza handienarekin hurbiltzeko, eta benetako lan-aukerak sortzeko.
Estatistika bakoitzaren atzean istorio pertsonal bat dago, egindako ahalegin handia, ilusioak, gainditutako beldurrak, lortutako helburuak, ikaskuntzak eta talentua; eta lortutako emaitzek gure programen sendotasuna islatzen dute, bai eta horien atzean dagoen talde profesionalaren eta ibilbideak hasi zituzten 44 pertsonen lana ere.
2025-2026 ikasturteko balantzeak gure uste osoa sendotu du: bizi-esperientziak balio kalkulaezina du egitura eta aintzatespen egokiak ematen zaizkionean. Horregatik guztiagatik, hilabete batzuen buruan beste ikasturte bati ekingo diogu, beste lan-aukera batzuk sortuko dituzten prestakuntza-proposamenekin.
