EDE Fundaziotik, Barakaldoko Udaleko Gizarte Ekintzako Arloari lagundu diogu Gizarte Larrialdietarako Laguntzen (GLL) kudeaketa berrikusteko eta sistematizatzeko prozesu batean.
Prozesu hori aukera bat izan da gizarte-zerbitzuen eremuan gure ibilbidea eta espezializazioa sendotzen jarraitzeko, arrisku-egoeren eta/edo gizarte-kalteberatasunaren aurrean erantzun publikoak hobetzeko prozesuetan erreferentziazko erakunde gisa dugun posizionamendua indartuz, ikuspegi aplikatu eta kolaboratibo batetik.
Prozesuak hobekuntzara bideratutako hainbat produktu ekarri ditu: egungo funtzionamenduari buruzko diagnostiko partekatu bat, lan-prozesuaren proposamen argiago eta egituratuago bat
-faseak, zereginak eta erantzukizunak antolatzen dituena-, eta hobekuntza-ildoak lehenesten dituen ibilbide-orri bat, beti ere barne-koordinazioa indartzeko, lan-zirkuituak argitzeko eta erantzun arinago eta koherenteagoak emateko. Aldi berean, prozesuak ere ekipoek eguneroko erabilera errazteko pentsatuak diren produktu argi, erabilgarri eta bisualki irisgarri bihurtzeko lan-modu bat finkatzen jarraitzeko aukera eman digu
Hala eta guztiz ere, horrelako proiektuek ezagutza aplikatua, antolakuntzako laguntza eta gizarte-politiken ulermena uztartzearen balioa islatzen dute, pertsonen bizitzan eragin zuzena duten sistemak eta praktikak hobetzen laguntzeko. Lan egiteko modu horren bidez, eraikitako prozesuek eta produktuek inplikatutako ekipoen errealitatea eta beharrak islatzea zaintzen dugu, eguneroko jardunarekin konektatutako tresna erabilgarri bat izan dezaten.