04 Aug, 2023
“Kultura Konponarazlea” lantaldeko kide gara 2022an sortu zenetik. Kultura errestauratiboarekin konprometitutako hainbat erakundek eta pertsonak parte hartzen dugu. Bat gatoz gizarte-sentsibilizazioan laguntzeko helburuarekin, errestaurazio-prozesuekin zuzenean lotutako pertsonen eta, oro har, gaiarekiko interesa duten gizartearen parte-hartzea errazten duten jardueren bidez.
2023ko azaroaren 8an (Memoriaren Eguna dela eta) antolatu genuen jarduerarik nabarmenetako bat Giza Liburutegi bat izan zen. Bertan, 5 liburu-pertsona (historia bat kontatzeko) eta 22 irakurle-lagun izan ziren. Giza Liburutegia elkarrizketaren bidez estereotipoei eta aurreiritziei aurre egiten dieten elkarrizketen esparru positibo bat eraikitzeko diseinatuta dago. Liburuen kontzeptua erabiltzen da liburutegiak topaleku onak direlako.
Metodologia horretan, 20-30 minutuko txandatan, aldi bereko elkarrizketak izaten dira liburu-pertsona bakoitzaren eta bere irakurketa-taldearen artean.
Oraingo honetan, indarkeria politikoak eta terrorismoak gogor kolpatutako bi pertsonaren esperientziak ezagutu ahal izan genituen, kalte handia eragin zuen pertsona batena eta gaiari buruzko bitartekaritzarekin eta ikerketarekin lotutako bi pertsonena.
Oso ondo baloratutako saioa izan zen, metodologiarengatik, eta aurkezteko, dinamizatzeko eta errazteko moduarengatik. Parte-hartzaileek mina nola bihurtu daitekeen bake eta bizikidetzarako alternatiba, gertutik ezagutzeko aukera izan zuten.