Osasuna, kultura eta bizikidetza Bonaparte Adinekoen Zentroan

Zerbitzu honen helburua da Bonaparte zentrora joaten diren bazkideek zahartze prozesu osasuntsu eta aktiboa bizi dezaten lortzea. Metodologia dinamiko eta parte-hartzaile batetik lan egiten dugu, adinekoek jakintza, balio eta errealitate jakin batzuk eskura ditzaten hainbat esparrutatik, hala nola osasunetik edo kulturatik, eta gizarte-harremanak sustatzeko.

Helburu espezifikoen artean honako hauek daude:

• Autonomia pertsonala sustatzea, mendetasun-egoerak agertzea edo larriagotzea prebenitzen laguntzeko ekintzen bidez.
• Bizikidetza eta komunikazioa bultzatzea, bakartze soziala saihestuz eta harreman sozial positiboak sustatuz, jarduera eta tailerren bidez.
• Zahartze aktiboa eta osasungarria sustatzea, kultura-, prestakuntza-, jolas-, eta kirol-arloko jarduerak eta tailerrak garatuz.
• Belaunaldien arteko harremanak sustatzea.
• Gizonen eta emakumeen arteko berdintasuna sustatzea.
• Kulturen arteko hurbilketa eta elkar ulertzea erraztea, bai eta pertsonen arteko harremanak eta udalerriko adinekoak beren ingurunean elkarrekin bizitzeko harremanak erraztea ere.
• Adineko pertsonen baldintza fisikoak eta psikikoak hobetzea, haien autonomia errazteko.
• Boluntariotza bultzatzea, kolektiboaren bizi-kalitatea hobetzeko jarrera parte-hartzaileak eta solidarioak sustatuz.
• Kolektibo horri zuzendutako udal-baliabideak modu iraunkorrean ezagutaraztea.