Azaroaren 20an EDE Ezagutzak Bilboko Haurtzaroaren eta Nerabezaroaren Udalbatzaren ekitaldian parte hartu dugu, Haurren Eskubideen Nazioarteko Egunarekin bat eginez. Ekimena Bilboko Udalarekin egin da eta honako hauek hartu dute parte: Juan Ibarretxe Gizarte Ekintzako zinegotziak, Kontseiluko presidente-lanak egiten dituenak; Udaleko alderdi politikoetako ordezkariek, eta Kontseilua osatzen duten 10 eta 12 urte arteko 46 haurrek.
Kontseilua aholkularitzako eta elkarrizketako erakunde iraunkorra da eta egonkorra da, aldian behin biltzen dena. Helburu nagusia hiriko haurren eta nerabeen parte-hartzea sustatzea da, ideiak adierazi eta proposa ditzaten lekua emanez.
Kontseiluko presidenteak behin eta berriz aipatu du “hiria haurren eta nerabeen eskutik eraikitzearen” ideia Haurren eta Nerabeen Nazioarteko Egunean. On line egin den osoko bilkuran, haurrek 2020-2021 ikasturterako lan-proposamenak entzuteko eta horiei buruz pentsatzeko aukera izan dute. Saioan udal-jarduerarekin zerikusia duten gaiak proposatu dituzte; esate baterako: haurren eskubideak, osasuna, mugikortasuna eta aisialdi adiskidetsuko eremuak Bilboko adingabeen ikuspegitik.
2018ko azaroan, Bilbok UNICEFek eskaintzen duen Haurren Hiri Adiskidetsuaren aitorpena jaso zuen. 2015etik egindako lan-prozesuaren ildotik eta udalerriko haurren eta nerabeen bizitza hobetzea helburu zuten ekimenak martxan jarri ostean etorri zen aitorpena.
