2022.urtean zehar Luz Almenararen eraikinaren eraikuntzan aurrera egin da. Jesusen Bihotzaren Kongregazio Apostolikoaren ikastetxe zahar batean kokatua dagoen zentro horretan Luz Casanova Fundazioak gizarte proiektuak hartuko ditu, iraunkortasunaren, berrikuntzaren eta parte-hartzearen printzipioen arabera. Espazioa gizarte-proiektu eraldatzaileak garatzera bideratuko da. Proiektu horiek coliving eta lan komunitarioko egoitza-sistemetan eta Fundazioak babesten dituen gizarte-kolektibo zaurgarrietan oinarrituko dira: gazteak eta emakumeak
Eraikinak 3.200 metro koadro ditu, honela banatuta:
- Gazte eta nerabeentzako zentro balioaniztuna, aukera-berdintasuna, elkarte-sarea eta sareko lana sustatzen diren ekintzetara bideratua.
- 16 egoitza-unitate, 56 lagunentzako gehieneko edukierarekin, bertan ostatu hartzen duten pertsonen beharrei erantzuteko moduan diseinatuta, autonomia, independentzia eta pribatutasun printzipioen arabera.
- Bilera-geletako, sukaldeko, jantokiko eta garbitegiko zerbitzu komunak, ingurumen-iraunkortasuna eta eraikinaren kudeaketa errazten dituztenak.
- Partaidetza, ikaskuntza, elkarrekiko laguntza eta komunitate-bizitza ona sustatzera bideratutako bizikidetza-espazioak.
- Pertsonen atsedenerako laguntzen duten berdeguneak eta espazio erakargarri eta zainduak.
- Proiektuaren iraunkortasuna bermatzeko aparkalekua.
Zentroa 2023ko lehen hiruhilekoan hasiko da lanean, Luz Casanova Fundazioak orain arte egin duen gizarte-laguntzako eredua eraldatuz, eta berrikuntzaren eta prozesuen eraldaketaren alde egiten duten gainerako gizarte-erakundeentzat erreferente izango da.