Azaroak 25 Emakumeen aurkako Indarkeria Desagerrarazteko Nazioarteko Egunaren barruan, abian jarri dugun hedapen-plan berria aurkeztu dizuegu, pertsona guztiei tratu duina eta berdintasunezkoa emateko eta laneko espazioetan sexu-jazarpenaren eta sexuagatiko jazarpenaren aurrean 0 tolerantzia lortzeko dugun konpromisoa ezagutarazteko.
Sexu-jazarpena edo sexuagatiko jazarpena prebenitzeko eta haiei arreta emateko jokabide-kodea funtsezko tresna da erakundea osatzen dugunon duintasuna errespetatzen duten lan-baldintzak bermatzeko, bai eta estrategia bat ere, emakumeen eta gizonen arteko benetako berdintasuna lortzeko. Emakumeen eta gizonen berdintasunaren arloko sentsibilizazioa areagotzeko eta EDE Fundazioan gerta daitezkeen jazarpen-egoera horiei aurre hartzeko, protokolo hau aurkezteko eta hartara hurbiltzeko topaketak antolatu dira.
Pertsona guztiengana iristeko, denbora mugatuan sartzen direnengana eta gure ostatuetan bizi direnengana ere iristeko, Ikusizko Pentsamenduaren gure lankideak komunikazio grafikorako euskarriak prestatu dituzte, erakundeak tratu duin eta berdintasunezkoaren alde egiten duen apustua azkar ulertzeko, erakundea osatzen dugun pertsona guztiok hartzen ditugun konpromisoak zehazteko eta diseinatu ditugun kontrol- eta arreta-mekanismoak ezagutzeko. Euskarriak instalazio guztietan banatuko dira, gaztelaniaz, euskaraz, frantsesez, arabieraz, ukraineraz eta ingelesez, berriz ere, protokoloko mezu nagusiak itzultzen ari diren lankideen laguntzari esker. Horrek aukera emango digu mezu hori gure zerbitzuak erabiltzen dituzten pertsonen jatorrizko hizkuntzetan zabaltzeko.
Ildo horretatik, 2023an gure harrera-ekintzakberrikusiko ditugu, etorkizunean erakundean sartuko diren pertsonen ezagutza eta konpromisoa ziurtatzeko.
Erronka konplexua da, eta horri aurre egiteko gure moduak eguneratu behar dira. Ezinbesteko erronka, pertsona guztien konpromisoa eskatzen duena.