04 Mar, 2025
EDE 2023ko azaroan hasi zuen proiektua, eta 2026ko ekainean amaituko dela aurreikusten da. Proiektu horren helburua da, Gazteriaren Legearekin bat etorriz, datozen urteetan euskal administrazio publikoen gazte-politika integralaren arloko jarduera orientatzea, Euskadiko gazte-politikak sendotzea eta jarduerak emateko maila homogeneoak bermatzea.
Proiektuaren garapenean hiru fase bereiz daitezke:
- Euskal Estrategia lantzea: 2025. urtearen hasierarako aurreikusita dago
- 2024ko Gazteriaren Euskal Estrategiaren jarraipena ebaluatzea
- 2025eko Gazteriaren Euskal Estrategiaren jarraipena ebaluatzea
Lehenik eta behin, 2024ko lehen hiruhilekoan, euskal gazteen egoerari buruzko diagnostiko bat egin genuen azterlanen eta dokumentuen azterketatik abiatuta. Diagnostiko horretan, Eusko Jaurlaritzako hainbat sailek, foru-aldundiek, EAEko hainbat udalek, elkartekide diren eta ez diren gazteek eta beste eragile batzuek hartu dute parte.
Diagnostiko horretatik abiatuta, Estrategiaren lehen zirriborro bat garatu genuen, eta parte hartu zuten eragile guztiei aurkeztu genien, hogei ingururi, eta horren inguruan lan egin genuen 2024ko udazkenean, lau saiotan, haien ekarpenak eta hobekuntza-proposamenak jasotzeko. Proiektua Elvira Garcíak gidatu du 2024ko abuztura arte, eta ondoren gure lankide Ignacio Sanzek hartu zuen lekukoa.
Estrategiak EAEko 15-29 urteko 319.744 gazteri eragitea espero da. Talde eragilean honako hauek parte hartu dute: sei pertsona, 32 elkarrizketatu, 50 pertsona eztabaida-taldetan eta 25 pertsona kontraste-taldetan. Guztira 20 erakundek parte hartu dute prozesu osoan.
