16 Oct, 2023
Atzarri adin desberdinetako emakume boluntarioak osatzen dugu, emakumeen aurkako indarkeria matxistarekin sentsibilizatuta gaude, eta aisialdiko jarduerak eskaintzen dizkiegu emakume biktimei eta haien seme-alabei. Emakume horiek EDE Fundazioaren emakume-programetan parte hartzen dute.
Proiektuan parte hartzeko gogoa eta denbora duten 21 urtetik gorako emakumeak bilatzen ditugu. Urria eta ekainaren artean garatzen dugu gure lana Bilbon. Hauek dira egin beharreko zereginak:
- Indarkeria matxistaren biktimak diren emakumeentzako aisialdiko jarduerak antolatzea eta dinamizatzea
- Proiektua kudeatzeko talde-bileretan parte hartzea.
- Haurtzaindegi-zerbitzua.
Atzarriko jarduera garatzeko, programaren arduradun bat dago, boluntariotzaren kultura ikuspegi feministatik sustatzen laguntzen duena. Beraz, genero-zeharkakotasuna, ahalduntzea eta sororitatea dira gizarte- eta hezkuntza-ekintzaren ardatz nagusiak.