19 Dec, 2025
2025ean, aurrerapauso nabarmena eman dugu enplegu inklusiboarekin dugun konpromisoan, eta aliantzak finkatu ditugu bazterkeria-egoeran dauden pertsonak eta, bereziki, lan-merkatuan sartzeko zailtasun handiagoak dituzten emakumeak laneratzeko konpromisoa duten enpresekin.
Akordio horiek gizarte bidezkoago, anitzago eta kohesionatuago baten aldeko apustu partekatua islatzen dute, non enplegua autonomiarako, partaidetzarako eta inklusiorako benetako tresna bihurtzen den.
Enpresa-ehunarekin aliantzak sortzea funtsezkoa da enplegurako bidean oztopo gehien aurkitzen dituztenen lan-aukerak zabaltzeko. Kontua ez da kontratazio bat erraztea soilik, baizik eta zentzuzko ibilbideak eraikitzea, konfiantza sortzea, enpresetara talentua hurbiltzea eta inklusio iraunkor baterantz aurrera egiteko prozesuak laguntzea.
Enpresak ezinbestekoak dira aukerak sortzeko sistema honetan. Haien inplikazioari esker, ateak ireki, begiradak egokitu eta pertsonek beren gaitasunetatik, esperientzietatik eta potentzialetik ematen duten balioa ezagutu daiteke. Enpresa batek enplegu inklusiboarekin konpromisoa hartzen duenean, errealitateak eraldatzen eta komunitate berdinzaleagoak indartzen laguntzen du aktiboki.
Aurten lankidetza-hitzarmenak sinatu ditugu Fundación Laboral de la Construcción-ekin, Eulen Taldearekin eta Emaus Bilbao SCISekin. Gainera, ia 100 enpresarekin lankidetza-hitzarmenak egin dira. Enpresak hauek laneratzeko eta lan-merkatuan sartzeko eta mantentzeko laguntza espezifikoak behar dituzten pertsonentzako aukerak sortzeko konpromisoa erakutsi dute.