04 Mar, 2025
2017az geroztik, EDEk Idazkaritza Teknikotik lan egin du Durangaldean emakumeen aurkako indarkeriaren aurrean jarduteko eta koordinatzeko II. Protokoloa ezartzeko.
Abadiño, Berriz, Durango eta Elorrioko udalek, Osakidetzak, Ertzaintzak eta Durangaldeko Merindadeko Mankomunitateak sinatu zuten protokolo hori, 2017. urtearen amaieran, eta indarkeria matxistaren aurreko erantzuna hobetzea du helburu.
EDEk bere gain hartu zuen protokolo hau 2021ean eta 2022an ezartzeko Idazkaritza Teknikoa, tartean zeuden erakunde eta entitateen arteko koordinazioa erraztuz. Protokoloak, genero-indarkeriaren aurkako borrokan erreferentea denak, indarkeriaren kontzeptu-esparrua zabaltzen du, erreparazioa funtsezko elementutzat hartzen du emakumeen errekuperazio-prozesuan, eta erantzun publiko integrala sustatzen du.
Protokolo honen lorpen nabarmenetako bat inplikatutako eragileen arteko koordinazioa hobetzea da. Prestakuntzaren eta lankidetzaren bidez, ezagutza eta konfiantza handiagoa sortu da erakundeen artean, eta horrek aukera ematen du erantzun eraginkorragoa eta koordinatuagoa emateko indarkeria-kasuen aurrean. Gainera, tresna interesgarriak partekatu dira, problematikei buruz hausnartu da eta guztion arteko lana sistematizatu da.
