06 Jul, 2023
Duela egun batzuk boluntariotza ekintza korporatibo batez gozatu genuen Grupo Gestioneteko Mikel Escriche Iturraterekin, Gaztebarri proiektuko Full Stack Developer ibilbideko ikasleek gaur egun enpresak talentua erakartzeko erabiltzen ari diren teknika berri batzuk ezagutu dituzte.
Horietako bat gamifikazioa da, teknika ludikoak erabiltzea talentua biltzeko eta hautatzeko. Dinamika digital horiek erabiltzeak esperientzia positiboak sortzen ditu hautaketa-prozesuetan parte hartzen duten pertsonentzat, marka-irudia sortzen du enpresentzat, diru eta denbora kopuru handiak aurrezteko aukera ematen du, eta bilatzen ari diren trebetasunei eta gaitasunei buruzko informazioa lortzen da.
Hitzaldiaren beste helburu nagusietako bat izan zen gazteek enpresak bezeroei eskaintzen dizkien irtenbide berritzaileen funtzionamendua eta jarduera hau garatzeko programazio-profilek duten garrantzia ulertzeko aukera izatea.
Proiektu zehatz oso interesgarriez hitz egin zigun, hala nola enpresa-simulagailuez (gaitasunak garatzeko tresna digitalak), biki digitalez (ingurune birtual batean errealitatea birsortzea), gure emozioak aurpegiko keinuen bidez neurtzeko gai den adimen artifizialeko sistema aurreratu batez, eta hautaketa-prozesuetan erabiltzen dituzten beste proba batzuez. Azken hori lan-elkarrizketa bati aurre egiteko aholku txikiekin osatu zen.
Hemendik eskerrak eman nahi dizkizuegu zuen esperientzia partekatzeagatik, Informazioaren eta Komunikazioen Teknologien sektorean pertsonei etorkizun profesionalean hobeto artatzen laguntzen digulako.