18 Jan, 2024
GAZ emantzipazio-prozesua hasi nahi duten gazteei zuzendutako informazio- eta laguntza-zerbitzua da. Zerbitzu hori Eusko Jaurlaritzako Gazteria Sailaren mendekoa da, eta EDE Fundazioak kudeatzen du. Bere helburua da gazteei laguntzea emantzipazio-prozesuetan.
2023ko urrian hasi zenetik, prozesu osoan zehar laguntza ematea izan da bere helburu nagusia. Batez ere, prestakuntzari eta enpleguari buruzko erabakiak hartzeko orduan, eta etxebizitza eta errentarako laguntzak bilatzeko orduan. Baina GAZ ez da datuak ematera mugatzen, gazte bakoitza bere emantzipazio-ibilbidean gidatuko duen informazio pertsonalizatua ematera konprometitzen da.
Gainera, zerbitzuak komunitate birtual bat du, eta bertan erakundeek zein gazteek baliabideak eskuratu, esperientziak partekatu eta hainbat aukera ezagutu ditzakete, hala nola ekitaldiak, bekak eta programak, emantzipazio-ibilbideei laguntzeko helburuarekin.
Informazio gehiago behar baduzu edo zure emantzipazio-prozesuan laguntzea nahi baduzu, GAZen komunitate birtualaren bidez idatz diezagukezu, edo gaz@euskadi.eus posta elektronikoaren bidez harremanetan jarri, edo WhatsApp bat bidali +34646109126 zenbakira.