17 Maiatza, 2023
Berriz ere gazteen talentuaren aldeko apustua egiten dugu, kalitatezko enplegua lortzeko gaitasun teknikoen hobekuntza bultzatzeko eta enpresei eskatzen dutena eskaini ahal izateko: profesional trebeak, beren karrera profesionala garatzeko gogoa dutenak, motibazioa dutenak eta egungo eskaeretara egokitutako profila dutenak.
Lanbiderekin eta Bilboko Udalarekin elkarlanean garatu dugun Gaztebarri Programaren hirugarren edizioa da. Proiektu horri ikuspegi integrala ematen diogu, prestakuntza, lan-aktibazioa eta enpresekiko partaidetza elkartzen dituena. Adierazi dugun bezala, helburua gazteen enplegagarritasuna hobetzea eta lan-merkatura igarotzen laguntzea da.
2022/2023 ikasturte honetan, honako prestakuntza hauek daude: Segurtasun Informatikoa eta Full Stack Developer. Bilboko 28 gazte matrikulatu dira, eta ibilbide integrala egiten ari dira. Prestakuntza-edukiak punta-puntakoak dira, merkatuaren premia eta eskaerekin lotuta daude, eta bertan maila teknikoan ikasiko dute: Linux profesionala, Front Web eta Back End Garapena eta Segurtasun Informatikoa. Gainera, parte-hartzaile guztiek, bi ibilbideetan, enplegurako gaitasun pertsonalak landu dituzte, gaitasun horiek hobetzeko, baliabide berriak eskuratzeko eta enplegua bilatzeko lan zorrotzan energia eta gaitasun berrituak lortzeko.
Ibilbideak osatzeko, enpresekiko lankidetza-ekintzak egiten ditugu, parte-hartzaileak laneratzen laguntzeko eta haientzako lan-aukerak sortzeko helburuarekin. Enpresa-sarearekiko aliantzak, tokiko enpresak parte-hartzaileengana hurbiltzea eta haiekin konektatzea dira Gaztebarriren eta EDE Enplegu Inklusiboan garatzen diren enplegu-programen lan-gakoetako batzuk.