09 Maiatza, 2023
2022ko urrian Zer dago laneko genero-arrakalen atzean? ikastaroa eman zen IVAPentzat (Herri Arduralaritzaren Euskal Erakundea). Ikastaroak 15 orduko iraupena izan zuen, eta Eusko Jaurlaritzako eta haren erakunde autonomoetako langileei zuzenduta egon zen, UPV/EHUko Ekonomia Aplikatuaren Sailarekin lankidetzan.
Ikastaroaren helburuak honako hauek izan dira:
- Soldata-arrakala murrizteko Administrazioak bultzatutako berdintasun-politikak ezagutzea.
- Soldata-arrakalaren kontzeptua hobeto ezagutzen laguntzea, kontzeptu horretan eragina duten faktoreak eta horren ondorioak aztertuz.
Edukiei dagokienez, ikastaroa bi fasetan banatu da: Genero-arrakalak lan-merkatuan eta Aldaketarako elementuak.
- Genero-arrakalak lan-merkatuan
o Emakumeentzako lan-merkatua ezaugarritzea.
o Uztartze-arrakalak: zainketen zeregina laneko genero-arrakalaren ekuazioan.
o Kontuan hartzeko beste elementu batzuk: genero-rol eta estereotipoek irautea, bereizketa sektoriala eta okupazionala, segregazio bertikala edo kristalezko sabaiak, enpresa-kultura…
- Aldaketarako elementuak: soldata-arrakala murrizten laguntzen duten neurriak
o Euskadin soldata-arrakala murrizteko 2030 estrategia: soldata-arrakala murrizteko sentsibilizazioa eta konpromisoa.
o Analisia eta proposamenak:
-
- Soldata/orduko desberdintasuna murrizteko neurriak.
- Lanaldiari dagokionez desberdintasuna murrizteko neurriak.
- Gizartea hezteko eta sentsibilizatzeko neurriak.
- Enpresa- eta sindikatu-sentsibilizaziorako neurriak.