Guruzu: hiru hilabete, 4.000 plater eta ilusio partekatua

Jon Mujikak artikulu eder honetan idatzi duenez, “Guruzu Jatetxea ez da beste jangela bat; elikadura-diskurtsoa da, koilarakadekin, begiradekin, aukerekin eraikitzen den poema isila.”

EDEk bultzatuta, Guruzuk helburu argia du: komunitatea sortzea, aukerak sortzea eta bizitzak hobetzea. Hemen, inklusioa eta bikaintasun gastronomikoa eskutik doaz.

Inaugurazioaz geroztik, 4.000 plater baino gehiago zerbitzatu ditugu, eta proiektuaren hasierako aurreikuspenak gainditu ditugu. Hasierako aurreikuspenek eguneko 45 menu emango genituela esaten ziguten. Errealitatea bestelako izan da, eta egunero batez beste 65-75 menu eskaini ditugu. Horrek ahalegin gehigarria ekarri dio gure talde profesionalari. Lantalde hori ostalaritzaren munduan ezagutza profesional zabala duten langileek, eta Suspertu gure laneratze-enpresari esker, gizarteratze- eta laneratze-prozesuetatik datozen pertsonek osatzen dute.

Baina datu kuantitatiboetatik haratago, ilusio berezia egiten digu iristen ari zaizkigun harrera eta kritika onak jasotzeak, bai menuen kalitateari dagokionez, bai giza tratuari dagokionez, bai sukaldean nahiz aretoan lan egiten duten lankideen hurbiltasunari dagokionez.

Plaza

Guruzu plaza, eraikinaren barruko patioa izan zen terraza handi hori, jendearentzat ireki da, eta kultura-ekitaldien, lan-jardunaldien eta era askotako topaketen epizentro bihurtu da. Bilboko erdigunean dagoen gune pribilegiatua da,  edozein ekitalditarako 170 pertsona hartzeko aukera ematen duena. Aniztasuna eta funtzio aniztasuna!

Guruzu mundu digitalean ere badabil. Gure webgunea gure proposamen gastronomikoa ezagutzeko, mahaia erreserbatzeko eta inspiratzen gaituzten istorioak ezagutzeko topagunea da. Eta ez ahaztu gure Instagram eta Facebook sareetan sartzea menu eta programazio kulturalaren berri izateko.

Eta hau hasiera besterik ez da: 2026 ekimenez beteta dator, eta hurbiltasuna, komunitatea, berdintasuna eta inklusioa egiten eskainiko ditugu.