13 Jun, 2023
2021 urtearen amaieratik, baina indar handiarekin 2022an, Biltzen-ek- integraziorako eta kulturarteko bizikidetzarako euskal zerbitzuak, bultzada bat eman dio tokiko erakundeei, bereziki tamaina eta baliabide txikienei, aholkularitzako uneko zerbitzuak emateari buruzko lan-ildoari.
Laguntza horietan bi prozesu nabarmendu dira bereziki, Zaldibarren eta Usurbilen. Bi kasuetan, prozesua errazteaz gain, edukiaren ekarpen sustantiboa egin da: Zaldibarren, tratu-berdintasunaren eta diskriminaziorik ezaren arloan, eta Usurbilen, migratutako pertsonei harrera egiteko politiketan.
Bi prozesuen emaitza protokolo banatan zehaztu da. Tresna horiek premia bat argi eta garbi identifikatzeko aukera ematen dute, premia hori asetzeko prestazio tekniko batzuk lotzeko eta udaleko hainbat arloren, baliabide autonomikoen eta gizarte-eragileen jarduna antolatzeko.
Horrelako tresnen hedapena nahiko berria da gure testuinguru instituzionalean, eta esperientzia horietan lortutako ikaskuntzak eta garapenak EAEko toki-erakundeei helarazteko balio du. Ildo horretan, gorroto arrazista, xenofobo, antigitano eta LGTBIfobikoko gertakarien aurrean toki-mailan jarduteko gida, argitaratu da; eta Euskadin tokiko harrera-politikak diseinatzeko orientabideei buruzko beste dokumentu bat, gaur egun Migrazio eta Asilorako Euskal Foroarekin eta Migrazio eta Asilo Zuzendaritzarekin berarekin baliozkotzen ari dena.
Era berean, beste udalerri batzuei laguntza ematen hasi gara, eduki horietaz jabetu daitezen eta tokiko errealitateetara egokitu ditzaten. Horrela, laster udalerri eta mankomunitate gehiagok horrelako protokoloak izatea espero da.