13 Sep, 2023
Encarni, Dalia, Araceli, Concha, Leo, Josefina. Adineko emakume horiek eta beste asko dira Bilboko adineko emakumeei zuzendutako Indarkeria Matxista Prebenitzeko Programaren protagonistak.
Bilboko Udaleko Berdintasun Arloak sustatutako programa da, eta EDE Fundazioko Suspergintzako arloak kudeatu eta dinamizatzen du. Programa honen helburuak honako hauek dira:
• Bikotekidearen edo bikotekide ohiaren tratu txarren biktima diren adineko emakumeen zaurgarritasun- eta ikusezintasun-maila handia murriztea.
• Ahalduntze indibiduala eta kolektiboa lortzea.
Programa Bilboko 60 urtetik gorako emakumeei zuzendutako tailerren bidez egiten da, bikotekidearengandik edo bikotekide ohiarengandik indarkeria jasan duten ala ez. Halaber, sentsibilizazio eta prestakuntza-ekintzak egiten dira, adineko emakumeekin lan egiten duten profesionalei eta boluntarioei zuzenduta.
Emakumeentzako tailerren ezaugarri nagusia da bizitza-kontakizunean eta entzute aktiboan oinarritutako metodologia aktiboa eta bizipenezkoa. Genero-ikuspegiarekin eta ikuspegi feministarekin, kontzientzia eta erabakiak hartuz, jabekuntza bilatzen du. Gainera, komunikaziorako, konfiantzarako, errespeturako, aintzatespenerako eta gozamenerako espazio bat sortu nahi da parte-hartzaileen artean.
2022an, 8 tailer ezarri ditugu Bilboko emakume-elkarteetan, eta 4 tailer Bilboko bi osasun-zentrotan, Bilbo-Basurtu ESIren laguntzarekin. 80 adineko emakume baino gehiagorengana iritsi da eta gogobetetasun handiz baloratu dute.
9 prestakuntza-saio egin ditugu adineko emakumeekin esku hartzen duten boluntarioentzat eta profesionalentzat. Nagusilaneko boluntarioak, Osakidetzako osasun-langileak eta Zientzia Medikoen Akademia nabarmentzen ditugu, besteak beste.