30 Jan, 2023
…eta dena gizarteratze-enpresa baten bidez. Margotzea, konpontzea, hobetzea, garbiketa arruntak eta apartekoak egitea, denak funtzionaraztea…eta abar. Helburu horiekin, EDE Fundazioak eta Emaus Fundacion Socialek elkarrekin eta gizarteratzeko xedearekin lan egiteko KONPONGI izeneko marka berri bat sortu dute eta aste honetan lankidetza-hitzarmen bat sinatu da abian jartzeko.
EDE Fundazioak eta Emaus Fundazio Sozialak, arlo sozialean ibilbide luzea duten bi erakundek, bultzatu eta sortu dute ekimen berri hau. Mota guztietako zereginak egin ditzakete: tantaka ari den txorrota konpondu, apurtutako pertsiana konpondu, lorategia itxuraldatu, gizarte-baliabide bat, babespeko etxebizitza bat, eguneko zentro bat, udal-liburutegia edo enpresa pribatu bat garbitu.
Aldi berean metafora bat balitz bezala, alde batetik, konponketa eta garbiketa-zerbitzuak eskaintzen dira eta, bestetik, zerbitzu horiek gizarteratze-enpresa baten bidez eskaintzen dira. KONPONGIren bidez, bi erakundeek hiru urtez trebatzen eta jakintza indartzen ari diren pertsonei, enplegu-aukera ematen diete,lana bilatzeko eta aurkitzeko aukera hobeak izan ditzaten.
KONPONGI markaren izenak, horren babesean sortzen baita ekimen eta lankidetza hau, konponketari egiten dio erreferentzia. GI-rekin keinu bat egiten zaio bai Gipuzkoa jaio zen lurraldeari, bai eta Giza izenari ere, gizakia, bi fundazioek bere lana ulertzeko duten moduari: gizakiak jardueraren erdigunean.
Bi gizarte-erakundeetako lan talde batek bidean agertutako zailtasunekin aberastuaz, lan handia egin du KONPONGI abian jartzeko.
SAKATU BEHEKO IRUDIAN KONPONGIREN WEB ORRIAN SARTZEKO
