23 Oct, 2023
2022-2023 ikasturtean Asasam eta Intecsa lagundu ditugu kontzilazio plan bat zehazteko. Bi erakundeek urrats bat gehiago eman nahi izan dute berdintasunarekiko konpromisoan, eta partaidetza-prozesu batean parte hartu dute, erakunde horietako kide diren pertsonen bizitza erdigunean jartzeko, berdintasunaren eta gizarte-konpromisoaren ikuspegitik.
Kontziliazio-planak garatzeko, erakunde bakoitzean talde eragile bat sortu da. Talde horrek kontziliazio-neurriak langileek beren bizitza pertsonala eta familia-bizitza lanarekin bateragarri egin ahal izateko baldintzak sortzera bideratutako ekintzak ote diren hausnartu du.
Eta horrela, etorkizuneko ibilbide-orri baterantz aurrera eginez, hiru urteko epean garatu beharreko lan-ildoak zehaztuko dira. Aurreikusitako helburuak betetzeko, hainbat neurri estrategiko garatu dira, dagozkien jarduera-neurriekin, gauzatze-kronogramarekin eta aurreikusitako neurketa-adierazleekin. Kontziliazio Planaren lan-ildoak zehaztu ondoren, erakunde bakoitzaren beharretara eta interesetara egokitzen den jarraipen- eta ebaluazio-sistema bat definitzeko lan kolektiboa egin da.
Gainera, gaur egun, talde eragile hori lanean ari da kontziliazio-plan hori ezartzeko eta gizarteratzeko, pertsona guztiek aurreikusitako eskubide eta ekintzen berri izan dezaten, erakundea osatzen duten pertsonen arteko harremanak sendotzen jarraitzeko, eta aurrera egiten eta beren jarduera garatzen jarraitzeko, gogobetetasun handiagoarekin, produktibitatea eta lehiakortasuna handituz.