17 Maiatza, 2023
2022a urte berezia izan da: pandemia-osteko urte baten barruan hasi gara nabaritzen mugimenduan jarraitzen genuela, nora joan eta zer aukera aurkezten zitzaizkigun erabaki genezakeela. EDE Fundazioko Enplegu Sailetik, aukeren bila joateko tren horretan sartu ginen, mundua geldirik egon zen eta teknologia berriei esker harreman sozialak mantendu ahal izan genituen, lan egin ahal izan genuen, kanpoko munduarekin harremana izan genuen… Horregatik erabaki genuen mikroinformatika-sistemen prestakuntzara bideratutako Lanberri bat aurkeztea,
Lanberri bat, Bizkaiko Foru Aldundiko Enplegu, Gizarteratze eta Berdintasun Sailak finantzatua eta laneratzeko zailtasun bereziak dituzten 45 urtetik gorakoei eta gizarte-laguntzak jasotzen dituzten pertsonei zuzendua. Gainera, taldearen zati handi bat emakumeak izan zitezen arreta berezia jarri genuen, informatikarena sektore maskulinizatua dela ulertuta, eta aukerak eskaintzeko prest.
Proposamen horretan 12 pertsonek parte hartu zuten eta parte-hartzaileen % 50 emakumeak izan ziren. Sei hilabetez prestatu ziren eta Mikroinformatika Sistemen Profesionaltasun Ziurtagiria lortu zuten. Ezagutza teknikoez gain, gizonentzako eta emakumeentzako enplegagarritasuna eta aukera-berdintasuna hobetzearekin lotutako gaitasunak eskuratu dituzte. Prozesu arrakastatsua izan zela esan dezakegu, azken helburua pertsona horiek aktibatzea eta bakoitzak bere ibilbidearekin jarraitzea baitzen. Izan ere, prestakuntza amaitu ondoren, % 25ek helburu profesionalekin lotutako enplegua lortu zuen, % 15ek prestakuntza kateatuarekin jarraitu zuen eta gainerakoek orientazio-zerbitzuetan jarraitu zuten aukera berrien bila.
Bizkaiko Foru Aldundiko Enplegu, Gizarteratze eta Berdintasun Sailak finantzatzen du
