10 Sep, 2025

Ikuspegi feministatik, ezinbestekoa da antolakuntza-egiturak eta lan-prozesuak birpentsatzea, eredu horizontalagoak eta kolaboratiboagoak lortzeko. Azken finean, ezin dugu ahaztu gure erakundeak egiturazko desberdintasun-sistema eta -testuinguru baten zati direla eta, beraz, desberdintasunak iraunarazten eta erreproduzitzen jarraitzen dutela. Erakundeak botere-harremanek, emakumeen eta gizonen arteko desberdintasunek eta desberdintasun horiek betikotzen dituzten balio- eta sinesmen-sistema sotilagoek zeharkatzen dituzte.

Dokumentu honetan, antolamendu-aldaketa eraldatzaileak eta begirada feminista dutenak ulertzen eta bideratzen laguntzen duten hainbat motatako osagaiak aurkituko ditugu:

Hurbilketa-esparrua:
  • Modu sintetikoan ideia orokorrak eskaintzen ditugu, antolaketa-kultura edo kultura horren ezaugarri diren elementuak zer diren ulertzen lagunduko digutenak.
  • Dokumentu honetan ikuspegi feministatik kultura-aldaketa eraldatzailetzat jotzen duguna azalduko dugu. Feminismoaren oinarri diren premisa eta printzipio giltzarri batzuk nabarmenduko ditugu, garrantzitsuak baitira antolaketa-aldaketaren ekintza gidatzeko.

 

Praktikarako elementuak:
  • Antolaketa-kultura berrietarantz joatea errazten duten abiapuntuko elementu batzuk aipatuko ditugu, eta ondo dago gako horiek berrikustea bidea hasi aurretik.
  • Horrelako prozesuei ekiteko baliagarria izan daitekeen ibilbide estandar bat proposatzen dugu, baina abiapuntutzat hartzen dugu ez dela zertan beti urratsei jarraitu.
  • Ikuspegi feministatik eraldaketarako bidean lan egiteko zenbait prozesu gako edo eragile adierazten ditugu.

Gainera, antolaketa-aldaketarekin lotutako bi dokumentu hauek kontsultatzera gonbidatu nahi zaitugu: