12 Mar, 2026
Hilaren 16an eta 17an, 360 Safe Play proiektu europarra abiarazteko bilera egin zen Bartzelonan (Kick-Off Meeting). Proiektu hori Europar Batasuneko CERV – Citizens, Equality, Rights and Values programak finantzatutako ekimen bat da, eta kirol-eremuan haur eta nerabeen babesa hobetzea du helburu, babes-sistema integralak garatuz.
Topaketak partzuergoko kide diren erakundeak bildu zituen bi egunez: Fundació Pere Tarrés (FPT) — proiektuaren erakunde koordinatzailea — EDE Fundazioa, UFEC – Unió de Federacions Esportives de Catalunya, Bartzelonako Diputazioa, ENGSO – European Non-Governmental Sports Organisation (Suecia), Defense des Enfants International (Bélgica), Bulgarian Sports Federation for Children and Youth at risk (Bulgaria), Organizzazione per l’educaziones e la solidarietá (OPES-Italia).
Bilerak UFECen eta Fundació Pere Tarrésen egoitzetan egin ziren, eta proiektuaren ikuspegi partekatua sortzeko, erakunde parte-hartzaileak aurkezteko eta partzuergoaren lana Europar Batasunaren funtsezko balioekin, CERV programaren helburuekin eta GJHekin lerrokatzeko balio izan zuten.
Bileran, halaber, proiektuaren esku-hartzearen logika, helburuak eta espero ziren emaitzak aurkeztu ziren, baita koordinaziorako, jarraipenerako eta kalitate-bermerako mekanismoak ere. Gainera, lan-saio espezifikoak egin ziren lan-paketeak planifikatzeko.
Proiektua hainbat lan-paketetan egituratzen da:
proiektuaren kudeaketa eta koordinazioa eta haurrak babesteko 360º sistema integralaren garapena, Pere Tarrés Fundazioak gidatuta; ezagutza eta monitorizazioa sortzea, EDE Fundazioak gidatuta; kirol-klub eta -erakundeetan eredua ezartzea, UFECek koordinatuta; eta komunikazioko, hedapeneko eta eragin politikoko ekintzak, ENGSOk gidatuta.
Datozen bi urteetan zehar, 360 Safe Playk klubei, federazioei eta kirol-elkarteei egokitutako sistema bat sortzeko lan egingo du, 6 eta 14 urte bitarteko haurren aurkako indarkeria-mota guztiak prebenitu, detektatu eta salatzeko, kirola ingurune segurua, babeslea eta haurren eskubideak errespetatzen dituena izan dadin.
EDEk bazkide gisa duen rola ezagutzaren monitorizazioa, inpaktua eta kudeaketa da, gure Haurtzaro, Gazteria eta Familia lantaldearen barruan proiektu gisa.
