13 Dec, 2023
Azterlan honek Hirugarren Sektoreko erakundeetako borondatezko jarduerari eta EAEko gizartean parte hartzeko beste modu batzuei buruzko zifra handiak eguneratzen ditu. Euskadin bizi diren 18 urte edo gehiagoko 1.200 pertsonari egindako inkesta da. Inkesta horren emaitzei esker, eguneratu egin dira EAEko biztanleek hirugarren sektoreko erakundeetan boluntariotza-lanetan eta gizartean parte hartzeko beste modu batzuetan duten inplikazioaren inguruko zifra handiak, joera eta profil berriak ezagutzeko.
Boluntariotza gorantz doa Euskadin, bereziki gazteen artean. Hala eta guztiz ere, noizbehinkako lankidetza, erakundeek lankidetza eskatzen duten une edo jarduera puntualetara mugatzen dena, gero eta handiagoa da boluntarioen artean.
Datuen arabera, boluntarioen tasa % 17koa da, 2017an erregistratutakoa ( % 13,4) baino nabarmen handiagoa. Ehuneko horren ondorioz, 300.000 boluntario baino gehiago daude.
Gogobetetze-maila handia dago egiten duten borondatezko jarduerarekiko, eta 4tik 3k diote etorkizun hurbilean erakundean laguntzen jarraituko dutela.
Azterlanak boluntarioen profil soziodemografikoa ere aztertu du. Datuen arabera, gizonek ( % 48,5) eta emakumeek ( % 51,5) boluntariotza osoan duten pisua orekatua da, eta adinaren arabera, 18 eta 29 urte bitarteko gazteen ( % 21,3) eta 65 urtetik gorakoen ( % 24,1) inplikazioa handiagoa da. Gainera, nabarmentzekoa da atzerritar jatorriko boluntarioak % 8,7 direla gaur egun.
Gainera, diagnostikoa egin ondoren, prestakuntza-gune bat antolatu dugu EDE Fundazioan, boluntariotzaren egungo egoeraren inguruan hausnartzeko.