Eusko Jaurlaritzako Berdintasun, Justizia eta Gizarte Politiketako sailburu Nerea Melgosa EDE Fundaziora hurbildu da bere agintaldi berriko erronkak aurkezteko eta Hirugarren Sektore Sozialaren potentzialtasunei buruz hitz egiteko.
Nerea Melgosa Berdintasun, Justizia eta Gizarte Politiketako Saileko zuzendaria da 2023ko otsailetik, Beatriz Artolazabal ordezkatuz. Melgosak ibilbide zabala egin du erakunde mailan gizarte arloko gaietan: Enpleguko eta Garapen Ekonomiko Iraunkorreko zinegotzi ordezkaria, Bizikidetza eta Aniztasunerako Zerbitzuko zinegotzi ordezkaria eta Gasteizko Udaleko Gizarte Politiketako zinegotzia izan da 2015 eta 2019 artean. Arabako Foru Aldundiko Berdintasun eta Giza Eskubideen zuzendaria ere izan zen.
Elkarrizketa honetan, Nerea Melgosak bere Sailak gizarte arloan dituen erronka nagusiei buruz hausnartzen du. Hainbat erronka, hala nola Gizarte Zerbitzuen II. Plan Estrategikoa, Barnahusa sexu-indarkeriaren gaian adingabeei arreta emateko, eta Haurren eta Nerabeen Legearen aurreproiektua.
Erronka horiek gauzatzeko, sailburuak argi du “inplikazioak administrazio publikoarena zein gizarte-sarearena” izan behar duela. Gainera, azaldu du Euskadin aldaketa-garaia bizitzen ari garela hiru trantsizioren bidez:
- Trantsizio demografikoa. Euskadiko biztanleria aldatzen ari da: adineko pertsona gehiago eta adingabe gutxiago daude. Horregatik, sailburuak uste du arreta jarri behar dela adingabearen arretan eta zahartze aktiboan.
- Trantsizio soziala. Melgosak garrantzi handia ematen dio bizitza osoko zainketen ereduari, nork bere burua zaintzeari eta besteak zaintzeari, gizarte gisa indartu ahal izateko.
- Ekologia- eta ingurumen-trantsizioa, ekonomia zirkularrean zentratua.
Azkenik, Melgosa sailburuak lankidetza eta elkarlanean egindako gobernantza handiagoa eskatu dio Euskadiko Hirugarren Sektore Sozialari: “Hitzarmen-dekretuak gero eta handiagoa den erantzukizun interesgarria emango dio Hirugarren Sektoreari, eta bidean aurkituko gara.”