EDE Fundazioa aldaketa inklusibo eta iraunkorrak sortzeko lan egiten dugun gizarte-erakundeen multzoa da, ezagutzaren, zuzeneko esku-hartzearen eta gizarte-ekonomiako eta enplegu inklusiboko proiektuen garapenaren bidez. Gaur egun, pertsona bat sartu behar da lanpostu honetan:
Gizarte zerbitzuetako Aholkularia – Ikertzailea
Aholkularia/ikertzailea behar da, beharrizanak identifikatzeko, arazoak definitzeko, estrategiak diseinatzeko eta planifikatzeko, bezeroekin harremanak izateko, politika publikoak ebaluatzeko eta gizarte-politikei buruz aholkatzeko, bereziki gizarte-zerbitzuen esparruan, euskal administrazio publikoetan. Politika, baliabide eta erakundeen funtzionamenduen sarea ezagutu beharko du, herri-administrazioetan aldaketa sakonak eta eraginkorrak bideratu eta sortzeko.
Horretarako, eginkizun hauek beteko ditu:
- Administrazio publikoei gizarte-politiken arloko ekintzak, politikak eta estrategiak ezartzen laguntzea eta laguntza teknikoa ematea.
- Desberdintasunen analisia, egoeraren diagnostikoak edo dagokion gaiaren egoerari buruzko hausnarketa, kuantitatiboki eta kualitatiboki egindako azterlanetatik abiatuta.
- Politika publikoak, zerbitzuak eta programak, eta gizarte-politiken arloko legeria ebaluatzea.
- Gizarte Politikak kudeatzeko zerbitzu espezializatuak garatzea