09 Jun, 2023
EDE Fundazioak sustatutako proiektu honek GFAko Etorkizuna Eraikiz laguntza-ildoaren finantzaketa jasotzen du, eta komunitatean haur eta nerabeekin egiten ari diren ekimen hezitzaile, sozial eta politikoak eta Hezkuntza 360 filosofiarekin bat egiten dutenak sistematizatu eta Gipuzkoan zabaltzea proposatzen du.
HEZKUNTZA 360 ekimen hezitzaile, sozial eta politikoa da, Katalunian sortu zen eta pertsonen bizitzako denbora eta eremu guztietan ematen diren ikaskuntzak lotzea proposatzen du: eskola, familia eta komunitatea, parekidetasuna eta aukera-berdintasuna bermatuz. 2020ko irailean, Jaume Bofill Fundazioak eta EDE Fundazioak hitzarmena sinatu zuten EAEn HEZKUNTZA 360 garatzeko.
Planteamendua esperimentala da, eta errealitate desberdina duten Gipuzkoako 3 udalerritan (Zarautz, Lezo eta Oikia Zumaian) garatzen den lan-prozesua du oinarri. Udalerriko hainbat eragilek parte hartuko dute prozesuan, haien komunitateko haurren eta gazteen parekidetasuna sustatze aldera.
Esperientzia horretatik sortzen diren lan-ereduak gainerako udalerriekin partekatuko dira ondoren. Gainera, eremu formaleko, ez formaleko, kiroleko, unibertsitateko eta beste erakundeetako eragileek osatutako Batzorde Zientifikoa eratu da, proiektuaren berri izan dezaten, ezagutza parteka dezaten, sinergiak balia ditzaten eta EAEn gai horren inguruko aurrerapen esanguratsuak egiteko proposamenak gara ditzaten. Batzordea 5 aldiz bildu da azken hilabeteotan.
Hezkuntza 360 ekimenaren asmoa haur eta gazteen beharrak aztertzeko aukera izatea da, Gipuzkoan egiten ari diren esperientzia positiboak ezagutu eta ikusaraztea, eta komunitatean sortzen ari diren beharren araberako ekimen berriak sortzea.
HEZKUNTZA 360 JARDUNALDIAK
2023ko ekainaren 8an, osteguna, EDE Fundazioak jardunaldi ireki bat antolatu zuen, non “360 udalerriak, aukeren udalerriak” dokumentua aurkeztu zen. Bertan, edozein udalek 2023- 2027 legegintzaldian zehar eskolatik kanpo hezkuntza-desberdintasunak murrizteko jauzi bat egin ahal izateko ezar ditzakeen 28 neurri zehatz, errealista eta eraginkor identifikatu eta agintzen dira.
Jardunaldian Enric Aragonesek parte hartu zuen. Aliança Educació 360ren zuzendaria. La Aliança Educació 360 ekimenak Kataluniako hirurehun erakunde baino gehiago biltzen ditu (udalak, erakundeak, ikastetxeak, lanbide-taldeak, etab.), eskolaz haratago doan hezkuntzarako eskubidearekin konprometituta daudenak.
Enric Aragones-en hasierako hitzaldiaren osteko mahai-inguruan honako gonbidatu hauek parte hartu zuten:
- Arantxa Aldaur, Zarauzko Udaleko hezkuntza teknikaria
- Loren Oliva, Etxebarriko alkatea
- Jesús Otaño, GFAko Hurbildu Programaren arduraduna
- Ainhoa Allende, BBK Familyko koordinatzailea
.